تقدر تعيش قد ايه من غير أكل ؟!

0
37

ديفيد بلين .. أمريكي ممارس لألعاب السحر وألعاب الخفة والخداع، قرر سنة 2003
إنه يحبس نفسه في غرفة زجاجية على ارتفاع 10 متر في وسط الشارع .. منع نفسه عن الأكل تحت متابعة الناس والأطباء وكاميرات المراقبة .. الجمهور كان بيحدفوه بالأكل علشان يغروه ويدفعوه يوقف التحدي ويستسلم لجوعه .. لكن ديفيد استمر في التحدي لحد ما تم 40 يوم كامل بدون أي أكل ..
في المتوسط .. تقدر تعيش قد إيه بدون أكل ؟

 

كل سنة الاف الناس بتموت من الجوع ، وتلت سكان العالم بيعانو من سوء التغذية وبينامو جعانين .

مفيش اي دراسة سابقة في تاريخ لطب تقدر تجاوب علي سسؤال ، تقدر تعيش قد ايه من غير اكل ؟وده لانه منافي تماما للإنسانية انك تموت شخص من الجوع علشان تعرف في النهاية هيعيش قد ايه من غير اكل ؟

لكن الطب استغل حوداث سابقة اتمنع فيها الناس عن الاكل زي الناس اللي بتجوع بسبب السمنة و فقد الشهية والمجاعات والحروب زي المريض اللي منع نفسه عن الاكل بسبب السمنة لما كان وزنه 200 كجم ، منع نفسه 382 يوم عن الاكل لحد ما وصل وزنه خلالهم لـ 80 كجم !

كان بس بيشرب ماية وبياخد فيتمينات ومعادن وبيدخل الحمام كل 47 يوم !

جسمك في الحالة دي بيبقي في عوامل كتير ممكن تدخل وتأثر علي المدة اللي جسك ممكن يعيشها .. لكن في النهاية اللي انت بتستنفذه ده جسمك .

في شاب في امريكا أضرب عن الطعام علشان قضية كان بيدافع عنها لمدة 200 يوم من غير أكل ! وزي اضراب غاندي الشهير اللي قعد مضرب عن الطعام 21 يوم وكان سنه عدي الـ 60 سنة !

 

وفي اشخاص كتير امتنعو عن الكل لاسباب استعراضية زي ديفيد بيلين اللي امتنع عن الاكل لمدة 40 يوم قدام الناس في الشارع ومع مراقبة الكاميرات ليه طول مدة الـ 40 يوم .

التفاوت الكبير بين الاشخاص اللي بيقدرو يعيشو من غير اكل بيأثر عليه عوامل كتر زي السن والجنس والحالة الصحية العامة والوزن ودرجة الدهون وحتي العوامل النفسية ودرجة الحرارة المحيطة بالانسان اللي بيقاوم الاكل وبيمتنع عنه .

جسمك بيبدء ياخد ردود افعال وانفعلات غريبة بعد مدة طويلة من الامتناع عن الاكل ، لانه بيبدء يطلع الجزيئات اللي مخزنها علشان يمدها للدم اللي بالتالي لازم في النهاية يحصل علي العناصر دي علشان يعيش ، لكن انت في النهاية بتاخد جزيئات جسمك وبتهدره . بعد 72 ساعة جوع بيلجئ الجسم لتكسير البروتينات ، البروتينات دي هي جسمك ومكونات عضلاتك ، ان جسمك يحرق البروتينات الاساسية علشان يعوض الطاقة المفقودة فده يعتبر شئ تمنه غالي قوي !

 

في النهاية بعد الامتناع عن الاكل للمدة طويلة جسمك هيبدء يدخل في اعراض هلوسة وازدياد ضربات القلب لمدة 8لـ 12 أسبوع وبعدها تنتهي الحالة بالموت ..تفتكر انت ممكن تعيش كام يوم من غير أكل ؟

ترك الرد

Please enter your comment!
Please enter your name here